TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas sulmit të SHBA ndaj tre bazave iraniane, Izraeli dhe Irani kanë kryer sërish sulme ndaj njëri-tjetrit. Ushtria izraelite bëri me dije se kreu sulme gjatë natës kundër “objektivave ushtarake” iraniane, duke përfshirë vendet e lëshimit dhe magazinimit të raketave, ndërsa Irani nga ana tjetër, lëshoi raketa në disa zona të Izraelit.
IDF kreu sulme edhe në 6 aeroporte të Iranit, ku u goditën pistat e fluturimit dhe avionë F-14, F-5 dhe AH-1 që i përkisnin regjimit iranian. Sipas IDF, avionët e shkatërruar do të përdoreshin kundër Forcave Ajrore Izraelite dhe për të prishur operacionet e tyre brenda territorit iranian. Në mëngjes, Forcat Ajrore Izraelite (IAF) njoftuan se po bombardojnë objekte ushtarake në Kermanshah, në Iranin perëndimor.
Nga sulmet iraniane në Izrael, u raportua për disa të plagosur. Sipas mediave vendase, dy persona kishin mbetur të bllokuar në një ndërtesë që u godit nga një raketë në Izraelin qendror. 14 persona u plagosën nga goditja e ndërtesës, përfshirë një grua 60-vjeçare në gjendje të rëndë. Shpërthime të forta u dëgjuan edhe në Tel Avivi, ndërsa IDF dha paralajmërim për sulme ajrore për shkak të raketave iraniane që po vinin. Më vonë, u lëshuan sërish alarme për sulme ajrore në disa zona të vendit, përfshirë Tel Aviv, Haifa dhe Jerusalem.
Lideri Suprem i Iranit, Ali Khamenei, pa adresuar sulmin e SHBA, paralajmëroi se do të hakmerret rëndë ndaj Izraelit, duke thënë se ka bërë një “gabim të rëndë” dhe një “krim të madh”.
