TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zyra e sherifit në Louisiana të SHBA-së ka njoftuar se një fëmijë 1-vjeçar ka shpëtuar mrekullisht, pas dy ditëve që këtë vend e goditi moti i keq dhe stuhitë e shumta. Ishte shoferi i një kamioni që e gjeti në skaj të rrugës, pasi vëllai tij 4 vjeç u gjet i vdekur, kurse e ëma e tij u arrestua në Mississippi.
Sherifi Gary “Stitch” Guillory tha se foshnja kishte pickime nga insektet, por që në përgjithësi ishte në gjendje të mirë shëndetësore. Raporti i autopsisë ishte pezulluar për 4-vjeçarin që u gjet i vdekur të hënën, rreth 322 kilometra në perëndim të New Orleans. Trupi u gjet në liqen në afërsi të autostradës që lidh me shtetin e Teksasit.
Pas hetimeve, autoritetet zbuluan se ai ishte parë për herë të fundit të shtunën me të ëmën, Aaliyah Jack, 25-vjeçe dhe me 1-vjeçarin.
Nga frika se do të mund të kishte vdekur edhe 1-vjeçari, autoritet përgatitën të martën operacionin e kërkimit në ujë ku u gjet vëllai i tij i vdekur. Por disa orë më vonë një shofer kamioni i telefonoi policisë, për t’ia bërë me dije se ka gjetur foshnjën. “Është mrekulli që njëvjeçari ishte akoma gjallë”, tha sherifi para gazetarëve gjatë një konference. Ndryshme uragani Berly ka goditur pjesën lindore të Teksasit gjatë të hënës, kurse kërkimi i foshnjës u pengua shumë nga shirat e dendur dhe erërat e forta.
