TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një ngjarje e rëndë u shënua mbrëmjen e djeshme në Paris të Francës, ku një efektiv policie qëlloi për vdekje një drejtues automjeti.
Ngjarja ndodhi në zonën e Vincennes në kryeqytetin francez, ku dy efektivë policie i bënë shenjë një automjeti për të ndaluar.
Por drejtuesi i mjetit nuk iu bind urdhrit të policisë për të ndaluar dhe tentoi të largohej. Në këtë moment, një prej efektivëve nxorri armën e shërbimit dhe qëlloi në drejtim të shoferit.
Sipas mediave franceze, në makinë ishin tre persona, por vetëm shoferi u qëllua. Pas të shtënave, makina devijoi dhe u përplas me një tjetër automjet.
Pavarësisht se i dhanë ndihmën e parë, shoferi, identiteti i të cilit nuk bëhet i ditur, nuk mundi t’i mbijetonte plagëve të marra.
Policia e Parisit ka ndaluar dy efektivët, ndërsa ndaj autorit të ngjarjes kanë nisur hetimet për vrasje me dashje. Autoritetet ende nuk kanë zbuluar shkakun e ngjarjes si dhe nuk kanë publikuar arsyen pse efektivi kërkoi ndalimin e makinës.
