BOTA, 11 Gusht 2024, 16:07

Dy emigrantë të vdekur, po përpiqeshin të kalonin ilegalisht nga Franca në Britaninë e Madhe

Dy emigrantë të vdekur, po përpiqeshin të kalonin ilegalisht
Foto ilustruese

Dy emigrantë kanë vdekur duke tentuar të kalojnë nga Franca në Britani, me një varkë të vogël.

Incidenti ndodhi në det, midis Calais dhe Dunkirk, në Francë, të dielën në mëngjes, tha një zyrtar francez i marinës për BBC.

Më shumë se 50 emigrantë u shpëtuan nga e njëjta varkë dhe operacioni ende vijon.

Zyrtarët francezë thanë se 25 emigrantë kanë vdekur duke tentuar të kalojnë korsinë më të ngarkuar të transportit detar në botë këtë vit.

Qeveria e re laburiste është zotuar të ndalojë këto kalime të rrezikshme duke rritur luftën ndaj bandave kriminale që trafikojnë emigrantët.