TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rusia lëshoi sot 36 raketa në Ukrainë, duke goditur rafinerinë e saj më të madhe të naftës.
Sipas mediave të huaja, lajmin e kanë bërë të ditur forcat ajrore të Ukrainës, sipas të cilave dëmi në rafinerinë Kremenchuk, në lumin Dnipro, ishte i paqartë, por një grua e moshuar u vra më në jug në Pavlohrad, pranë qytetit të Dnipro.
Kreu i ushtrisë rajonale të Dnipropetrovsk, Serhii Lysak, tha se gruaja 79-vjeçare vdiq nga plagët e saj në vendin e ngjarjes, ku u shkatërruan 60 shtëpi.
“Deri në natën fatale të sotme, një çift i moshuar jetonte në këtë ndërtesë në Pavlohrad”, thuhet në një version të përkthyer të postimit të zotit Lysak në Telegram.
“Një çift i bukur i martuar, i qetë, miqësor. Ata kishin plane për fëmijët e tyre, kopshtin dhe ëndrrat e tyre. Rusët shkatërruan gjithçka”, vijon më tej njoftimi.
Ai përshkroi shtëpi të rrënuara, makina të djegura, xhama dhe dyer të thyera dhe tha se tetë persona të tjerë u plagosën.
“Pas sulmit me raketa, e gjithë rruga duket si diçka nga një film horror”, ka shkruar ai.
Riparuesit që punojnë në linjat e komunikimit në Vovchansk, një qytet lindor pranë Kharkiv, u plagosën gjithashtu nga sulmet, postoi guvernatori Oleh Syniehubov në Telegram.
Ai tha se ishin gjashtë viktima të moshës 30 deri në 65 vjeç, një prej të cilëve është në rrezik për jetën.
Forcat ajrore të Ukrainës rrëzuan 16 nga raketat e lëshuara, tha ajo.
Policia në Moldavi tha se gjeti mbetje raketash pranë kufirit me Ukrainën.
Kujtojmë se Parlamenti i Moldavisë votëbesoi një qeveri pro-perëndimore më herët gjatë ditës së sotme.
