TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
E ardhmja duket gjithnjë e më e zymtë për Presidentin amerikan Joe Biden. Sipas një sondazhi të publikuar nga New York Times, gati dy të tretat e votuesve demokratë (64%) duan që partia të zgjedhë një kandidat tjetër për garën presidenciale të vitit 2024, ndërsa më shumë se tre të katërtat e amerikanëve (77%) thonë se vendi po lëviz në drejtimin e gabuar.
Ndërsa vetëm 13% thonë se SHBA-ja është në rrugën e duhur. Edhe pse Shtëpia e Bardhë përpiqet t’i përgjigjet inflacionit të lartë, vlerësimi i miratimit të punës së Biden ka rënë në 33%, duke përfshirë vetëm 70% midis demokratëve.
Biden, presidenti më i vjetër i SHBA-ve në moshën 79-vjeçare, ka thënë vazhdimisht se synon të kandidojë për rizgjedhje, por votuesit demokratë po bëhen gjithnjë e më pak entuziastë për këtë perspektivë.
Kur u pyetën pse do të preferonin një kandidat përveç Bidenit në vitin 2024, 33% përmendin moshën e tij, 32% tregojnë për performancën e tij në punë, 12% thonë se thjesht preferojnë dikë të ri, 10% thonë se Biden nuk është mjaftueshëm progresiv dhe 4% dyshojnë aftësinë e tij për të fituar rizgjedhjen.
