TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndërprerja e energjisë elektrike në qytetin e Kanës në Francë ka ardhur si pasojë e një akti sabotimi.
Tre nga katër shtyllat e linjës së tensionit të lartë që furnizon qytetin janë “prerë me sharrë”, bëri të ditur prokurori i qytetit Gras për agjencinë franceze të lajmeve AFP.
Pas këtij sabotimi në zonën Villeneuve-Loubet, operatori francez i rrjetit energjetik RTE pezulloi funksionimin e linjës për të mundësuar ndërhyrjet e nevojshme. Si rezultat, u shkaktua ndërprerje e energjisë në qytetin e Kanës, pikërisht në ditën kur po mbyllej Festivali Ndërkombëtar i Filmit.
Sipas autoriteteve, 160.000 banesa mbetën pa energji elektrike. Megjithatë, Pallati i Festivaleve (Palais des Festivals) nuk u prek, pasi përdori një burim alternativ furnizimi me energji.
Prefekti i rajonit Alpes-Maritimes deklaroi se furnizimi me energji po rikthehet gradualisht në të gjitha zonat e prekura.
