TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti amerikan Joe Biden tha sot se do të konsideronte vendosjen e sanksioneve ndaj presidentit rus Vladimir Putin në rast të një pushtimi rus të Ukrainës.
Duke folur me gazetarët që e shoqëronin në një vizitë në një dyqan të vogël në Uashington, Biden tha se “nuk kishte ndërmend” të dërgonte trupa amerikane ose forca të NATO-s në Ukrainë.
“Ne nuk kemi ndërmend të vendosim forcat e SHBA-së apo NATO-s në Ukrainë”, tha ai. Megjithatë, ai shtoi se mund të lëvizë disa nga 8,500 trupat amerikane në gatishmëri në të ardhmen e afërt.
Biden vuri në dukje se nuk ka pasur ndryshim në qëndrimin e forcave ruse dhe përsëriti se pasojat do të ishin të mëdha në mbarë botën nëse presidenti rus pushton Ukrainën.
I pyetur nga një gazetar nëse do të konsideronte vendosjen e sanksioneve ndaj Putinit personalisht, presidenti amerikan u përgjigj “Po”, duke shtuar: “Unë mund ta imagjinoj”.
