TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Lulzim Basha ka lajmëruar aksionin politik të opozitës, pas shembjes së Teatrit Kombëtar.
Basha fillimisht tha se bëri gabim që u ul për marrëveshje me Ramën në vitin 2017 dhe se gabimi nuk do të përsëritet. Më pas, kreu i PD-së, u shpreh se opozita do të bëjë protesta duke respektuar kushtet e higjienës.
"U ula me këtë njeri me shpresën se partitë politike mund të arrinin një marrëveshje. Koha tregoi se u gabova. Dua të garantoj shqiptarët, se ky gabim nuk do të përsëritet më kurrë. Ne do të ndërmarrim të gjithë hapat demokratik, për të vendosur largimin një orë e më parë të së keqes së shqiptarëve.
Vendimi ynë i parë është mbështetje për të gjithë protestën dhe nisja e organizimit nga ana e opozitës, e protestive qytetare dhe popullore", tha Basha.
I pyetur lidhur me pandeminë, Basha siguroi se protestat do të jenë mjaft higjienike.
Mëngjesin e sotëm, Edi Rama shembi Teatrin Kombëtar. Kryetari i opozitës u paraqit në vendngjarje dhe e gjeti ndërtesën të shembur. Pas bisedave të gjata të zhvilluara mes opozitarëve, u vendos të zhvillohen protesta me masa të duhura higjienike.
Kujtojmë se para disa ditësh, Lulzim Basha tha se opozita do të shkojë në Surrel dhe tek kullat e oligarkëve, nëse shembet Teatri, por sot nuk dëgjuam asgjë nga ky plan.
/TPZ.al/
