TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një person ka ndërruar jetë në një aksident që ndodhi këtë të shtunë në hyrje-dalje të autostradës në Lipjan, Kosovë. Zëdhënësi i Policisë së Kosovës, Bajram Krasniqi, ka konfirmuar se një person është goditur për vdekje nga një kamion.
Siç ka bërë të ditur ai, dyshohet se drejtuesi i kamionit për shkaqe të panjohura (mund të jetë ndonjë defekt në kamion), ka dalë nga kamioni, por mjeti nuk ka ndaluar dhe për pasojë ai ka humbur jetën.
“Në ora 14:35, policia është njoftuar për një aksident trafiku të ndodhur në hyrje-dalje të autostradës në Lipjan. Njësitet policore kanë dalë në vend-ngjarje. Po ashtu edhe njësitet emergjente mjekësore. Nga atje raportohet se në aksident është përfshirë një kamion. Dyshohet se drejtuesi i kamionit për shkaqe të panjohura (mund të jetë ndonjë defekt në kamion), ka dalë nga kamioni. Dyshohet se kamioni nuk është siguruar, ndalur (frenur) mirë dhe për pasojë ka lëvizur duke aksidentuar drejtuesin e kamionit i cili ka marrë lëndime të rënda. Ekipi mjekësor ka konstatuar se personi i aksidentuar është pa shenja jete”, thuhet në njoftimin e policisë.
