TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i Serbisë, Aleksandër Vuçiç, nuk e ka lëshuar rastin për t’u viktimizuar as në rastin kur 56 politikanë perëndimorë i dërguan një letër në drejtim të qeverive të tyre për ta ndryshuar qasjen për sa i përket dialogut Kosovë-Serbi, si dhe të jenë më të ashpër me presidentin serb për shkak të destruktivitetit të tij.
Për këtë Vuçiç në formë ironike thotë se “është fajtor pasi nuk po e njehë Kosovën si shtet”.
Ai ka shtuar se po fajësohet pasi nuk po e njehë Kosovën shtet dhe “po i mbron” interesat e popullit serb në Bosnje dhe Hercegovinë, si dhe në Malin e Zi.
“Unë po krijoj probleme në Kosovë sepse nuk e njoh pavarësinë, mediat thonë se letra është kundër Vuçiqit, por më drejtohet vetëm formalisht dhe në thelb është kundër Serbisë. Unë kam faj që nuk e njoh. pavarësinë e Kosovës dhe me këtë shkaktojnë destabilitet dhe krijojnë probleme”, tha ai gjatë një konference për shtyp.
Serbia që drejtohet nga Vuçiç nuk ka vendosur sanksione ndaj Federatës Ruse përkundër kërkesave të vazhdueshme të Perëndimit.
Pos kësaj, Serbia ka probleme direkte me tre shtete të Ballkanit Perëndimor, duke u parë kështu si i rrezikshëm për paqen në rajon.
