TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i Serbisë, Aleksandar Vučić, ka njoftuar se në Serbi do të zhvillohen zgjedhje brenda tre deri në katër muajve të ardhshëm, ndërsa theksoi se organet kompetente do të vendosin nëse zgjedhjet parlamentare dhe ato presidenciale do të mbahen njëkohësisht apo veçmas.
I ftuar në emisionin e televizionit TV Prva, Vuçiç, i pyetur nëse zgjedhjet presidenciale dhe parlamentare do të zhvillohen së bashku apo të ndara dhe kur do të mbahen, u shpreh se nuk e di ende, pasi vendimi i takon institucioneve përkatëse.
“Mjafton të them se së shpejti do të shkojmë në zgjedhje, brenda tre ose katër muajve të ardhshëm, dhe kjo është e gjitha”, deklaroi presidenti serb.
Vuçiç deklaroi gjithashtu se, para se të japë dorëheqjen nga funksioni i presidentit, do të bëjë gjithçka që është e mundur për të siguruar një shumicë në Kuvendin e Serbisë, me qëllim zbatimin e reformave në sistemin arsimor, veçanërisht në arsimin e lartë.
“Do të bëj gjithçka për të siguruar shumicën në Kuvendin Popullor. Nuk e di nga cilat parti, do t’i ftoj të gjitha, për të garantuar shumicën e nevojshme për ndryshimin e sistemit arsimor, veçanërisht të arsimit të lartë në Serbi.
Nuk më intereson sa do të protestojnë Đokiç dhe të tjerët. Dua konkurrencë, dua t’u jap mundësi të gjithë fëmijëve, edhe atyre që kanë më pak mundësi ekonomike, të kenë të drejtën të studiojnë në universitete më të mira se disa prej universiteteve tona aktuale”, u shpreh Vuçiç.
