TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një tjetër grevë 24 orëshe do të mbajnë sot punonjësit e sektorit hekurudhor në Greqi, pas tragjedisë në Larisa ku 57 persona humbën jetën dhe qindra të tjerë u plagosën si pasojë e përplasjes së dy trenave.
Greva është paralajmëruar nga Federata greke e Punonjësve Hekurudhorë (POS), shkruan Protothema.
Federata, siç thekson në njoftimin e saj, në bazë të shkresave që i janë dërguar organeve kompetente në të gjitha vitet e mëparshme, do të hartojë një memorandum me të gjitha çështjet që kanë të bëjnë me hekurudhën dhe do të kërkojë takim të menjëhershëm me Ministrinë e Transporteve dhe partitë politike.
Në takime do të prezantohen sërish qëndrimet e lëvizjes sindikaliste për sigurinë hekurudhore dhe në komunikacion, duke kërkuar një afat kohor të qartë për zbatimin e tyre për të shmangur ndonjë incident në të ardhmen.
Menjëherë pas mbledhjeve dhe duke marrë parasysh rezultatet e diskutimeve, do të mblidhet Bordi Drejtues i Federatës, për të marrë vendimet përkatëse, pa përjashtuar përshkallëzimin e mobilizimeve, në rast se rezultatet nuk konsiderohen pozitive.
