TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zbardhen detaje në lidhje me sulmin me armë ndaj kryetarit të komunës së Haraçinës në Maqedoninë e Veriut, i cili u qëllua me armë zjarri. I zgjedhuri shqiptar, Ridvan Ibraimi ishte në makinë kur ka ndodhur atentati, por ka shpëtuar pa lëndime.
Nga të shtënat me armë janë lënduar dy persona, një nëpunës i komunës dhe drejtuesi i mjetit. Ata janë çuar në spital dhe njëri prej tyre sipas mjekëve është në gjendje më të rëndë, pasi është qëlluar me një plumb në gjoks. Ngjarja ka ndodhur mesditën e së hënës në hyrje të Haraçinës. Ministrja e brendshme në Shkup tha se sulmi është kryer nga një person i njohur për policinë, i cili ka qenë i përfshirë edhe në krime të tjera. Megjithatë autoritetet nuk kanë dhënë më shumë informacione në lidhje me autorin.
Njësitet policore kanë ngritur postblloqe në të gjithë Haraçinën për kapjen e sa më shpejtë të autorit, ndërsa motivi mbetet ende i paqartë Ridvan Ibraimi është zgjedhur në krye të Haraçinës që prej vitit 2021 si përfaqësues i partisë “Bashkimi Demokratik për Integrim”.
