SPORT, 1 Gusht 2021, 18:32

Atletikë/ Më i shpejti në planet është një italian, Jacobs “mbret” në 100 metra


Italia ia del të fitojë për herë të parë në histori një medalje ari në Olimpiadë në garat e 100 metrave në atletikë. Marcell Jacobs është heroi italian. 26-vjeçari me origjinë nga SHBA, ka triumfuar në garën e shpejtësisë me kohën 9’80”, duke lënë pas amerikanin Fred Kerley (9’84”) dhe kanadezin Andre De Grasse (9’89”). Garim i mrekullueshëm i atletit italian, i cili kaloi i pari finishin, siguroi medaljen e artë dhe vendosi rekord evropian me kohën e regjistruar.. Sukses i madh dhe i jashtëzakonshëm, teksa asnjë italian para Jacobs as nuk kishte garuar në finalen e kësaj disipline në 125 vite Olimpiadë.