TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Anestezisti i certifikuar Derrick Smith është mësuar me tmerret që ka parë gjatë kohës së punës në pavijone, madje edhe me humbjen e jetës së pacientëve.
Por tani, pandemia e koronavirusit thotë se e ka hedhur në një realitet krejt tjetër, “shumë më të tmerrshëm”.
Smith, i cili trajton pacientët me Covid-19 në një spital në Neë York, zbuloi fjalët e fundit të një pacienti, teksa ai po e intubonte:
“Kush do të paguajë për këtë?”, e pyeti pacienti me koronavirus Smithin mes frymëmarrjeve aq të lodhura e gati të pamundura.
“Ata ishin fjalët e fundit që tha e qe nuk do t’i harroj dot kurrë”, tha Smith për CNN
“(Ky pacient) ishte në kolaps të frymëmarrjes, kishte vështirësi në të folur dhe prapë shqetësimi i tij kryesor ishte kush mund të paguante për një procedurë që do të zgjaste jetën e tij”- tha ai, duke shtuar se gjasat nuk ishin fare të mira.
Duke ditur që pacienti ka shumë të ngjarë të mos shërohet pasi të jetë intubuar, Smith dhe kolegët e tij thirrën gruan për ti dhënë shansin e fundit për ta parë.
Shumica e pacientëve me Covid-19 vdesin pasi vendosen në respiratore, me një shkallë vdekshmërie gati në 80% në pacientët me koronavirus të intubuar, tha Smith.
Smith e quajti këtë që dëgjoi si gjënë më të keqe në tërë përvojën e punës së tij 12 vjeçare.
