TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i Serbisë, Aleksandër Vuçiç, ka komentuar për herë të parë aktakuzën e paraqitur nga Zyra e Prokurorit të Specializuar me seli në Hagë ndaj presidentit të Kosovës Hashim Thaçi dhe kryetarit të Partisë Demokratike të Kosovës, Kadri Veseli.
Vuçiç deklaroi se gjëja me e rëndësishme për Serbinë është të tregojë përmbajtje.
“Gjëja më e rëndësishme për ne është të jemi të përmbajtur. Ne e dimë që kanë ndodhur krime të tmerrshme. Në çdo gjë tjetër, duhet të tregojmë përmbajtje, pasi kështu mbrojmë popullin serb në Kosovë nga çdo dhunë, incident dhe sulm”, është shprehur Vuçiç.
Vuçiç i bëri deklaratat në Bruksel ku po takohet me zyrtarë të lartë evropianë.
Ndërkaq, më herët gjatë ditës së sotme reagoi edhe vetë presidenti Thaçi, i cili tha se mbetet me shpresë të plotë se ditët më të mirë për Kosovën i kemi përpara.
Thaçi njoftoi po ashtu se më gjatë për këtë çështje do të flasë të dielën në një konferencë.
