TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Është publikuar dëshmia e parë që ka dhënë në Polici, efektivi i RENEA-s i arrestuar një ditë më parë, Altin Morina, në makinën e së cilit policia gjeti 113 mijë euro, paund dhe lekë.
Burimet konfirmuan se ai ka mohuar akuzën e ngritur ndaj tij dhe ka theksuar se “nuk kam lidhje me asnjë grup kriminal”.
Ai ka deklaruar ndër të tjera se “paratë i kam marrë te një mik dhe janë të ligjshme. Paratë janë tërhequr në bankë”.
Altin Morina u prangos mesditën e 14 marsit në zonën e Kodrës së Diellit pasi në makinën “Audi” me të cilën lëvizte, në sedijen e parë të pasagjerit u gjetën të fshehura të mbështjella me qese marketi rreth 113 mijë euro, lekë dhe paund, të cilat u sekuestruan në cilësinë e provës materiale.
Ndaj tij janë ngritur akuzat për veprat penale “Pastrimi i produkteve të veprës penale ose veprimtarisë kriminale”, “Fshehja e të ardhurave” dhe “Shpërdorimi i detyrës”.
