TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Kemi nisur të shohim rezultate në reformën në drejtësi”, është shprehur sot ambasadorja e SHBA-ve në Tiranë, Yuri Kim.
Gjatë fjalës së saj në Takimin e Nivelit të Lartë “Drejt ekselencës gjyqësore”, Yuri Kim tha se janë vendosur standarde në drejtësinë shqiptare.
Ambasadorja bëri me dije se brenda tre mujorit të parë të 2023-t Gjykata Kushtetuese do të jetë e plotë dhe do të ketë të gjithë anëtarët që i nevojiten për të mos lënë asnjë çështje të prapambetura.
“Jemi këtu për të festuar arritjet e KLGJ dhe Gjykatës se Lartë. E di që shpesh jeni të lodhur kur them që reforma ne drejtësi nuk është e lehtë e shpejtë dhe e përsosur, por kemi filluar të shohim rezultate.
Ju duhet të jeni krenar për arritjet, keni filluar te zvogëloni çështjet e prapambetura dhe të zëvendësoni tre anëtaret e gjykatës së lartë. Jemi krenarë që jemi partnerë me BE për të gjitha pjesët e reformës së drejtësisë.
Reforma është e rëndësishme sepse është kërkesë e drejtë e popullit shqiptar. Katër vite më parë në gjykatën e lartë ishte vetëm një gjyqtar, sot kemi një trupë gjyqësor dhe na mungojnë vetëm tre. Besoj brenda tre mujorit te pare te 2023 gjykata kushtetuese do të ketë anëtarët e saj”, tha Yuri Kim.
