TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama duket se ka menduar deri në detaje për të kënaqur sa më shumë liderët evropianë që ndodhen në Tiranë për Samitin e 6-të Politik.
Duke përdorur atë që ai lavdëron më së shutmi, Inteligjencën Artificiale, Rama ka krijuar nga një version “bebe” të çdo lideri e lidere të kontinentit, duke shprehur në gjuhën amtare të secilit “Mirëseerdhët në Shqipëri”.
Kjo surprizë e Ramës shkaktoi habi fillimisht pasi ndërkombëtarët nuk prisnin një gjë të tillë, por shpejt habia u shndërrua në buzëqeshje dhe duartrokitje, pasi ishte diçka e mirëmenduar e që atyre dukshëm u pëlqeu.
Për më tepër shihni reagimet e secilit në videon e mëposhtme.
47 krerë shtetesh dhe qeverish, si dhe institucione të BE-së janë ftuar të marrin pjesë në këtë takim të gjashtë të Komunitetit Politik Evropian. Sekretarët e Përgjithshëm të NATO-s, Këshillit të Evropës dhe Organizatës për Siguri dhe Bashkëpunim në Evropë (OSBE) kanë marrë gjithashtu ftesa për pjesëmarrje.
Vendet e përfaqësuara do të jenë: Shtetet anëtare të BE-së (EU27), Shqipëria (mikpritëse), Andorra, Armenia, Azerbajxhani, Bosnja dhe Hercegovina, Gjeorgjia, Islanda, Kosova, Lihtenshtajni, Moldavia, Monako, Mali i Zi, Maqedonia e Veriut, Norvegjia, San Marino, Serbia, Zvicra, Turqia, Ukraina dhe Mbretëria e Bashkuar.
Mes evropianëve do të diskutohet për sigurinë e kontinentit, përfshirë dhe mbështetjen për Ukrainën, demokracinë, investimet dhe inovacioni në fusha të ndryshme, migracioni, lëvizja e fuqisë punëtore dhe të rinjtë.
