TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata e Lezhës la të lirë pesë personat e arrestuar të premten, pas protestën e zhvilluar në Mirditë gjatë të cilës u bllokua për 60 minuta Rruga e Kombit në afërsi të hyrjes së Rrëshenit.
Në seancën e zhvilluar me dyert të mbyllura, gjyqtari Artan Hajredinaj pranoi kërkesën e prokurorit Ylli Pjetërnikaj dhe vendosi masën e sigurisë “detyrim paraqitje” për të pestë të arrestuarit.
Personat u arrestuan nga policia, pasi bashkë me dhjetëra të tjerë u ngritën në protestë kundër rritjes së çmimeve, duke bllokuar Rrugën e Kombit.
Arrestimet e personave të përfshirë në protesta kundër rritjes së çmimeve u dënuan nga aktivistë.
Policia u përball me kritika përfshirë thirrjen e Dom Gjergj Metës, Ipeshkvi i Dioqezës së Rrëshenit, për të liruar protestuesit. “Arrestimet e mbrëmshme dhe të sotshme të disa personave, apo shpallja në kërkim e disa të tjerëve, në Rrëshen dhe Bulqizë, për shkak se kanë dalë të protestonin për shtrenjtimin e çmimit të naftës, është një akt policor ekstrem dhe i pajustifikuar,” shkroi Meta në faqen e tij në Facebook.
