TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zgjedhjet për kreun e ri të FSHF dhe tritoli në shtëpinë e Armando Dukës, ishin në fokus të emisionit “Të Paekspozuarit" të Ylli Rakipit, në MCN TV.
Gazetarja e kronikes, Klodiana Lala, tha se pavarësisht pretendimeve të avokatit, që autori i dyshuar Arlen Hasanaj nuk ka qenë në Durrës, së fundmi ka dalë edhe një provë, që ka të bëjë me djegien e dorës së tij, por pritet verifikimi se nga është shkaktuar djegia.
“Pavarësisht pretendimeve që ka personi i arrestuar, prova më e fortë përveç pamjeve filmike ku shfaqet i njëjti person, është një djegie që autori i dyshuar ka në duar, prandaj është thirrur eksperti i Institutit të Mjekësisë Ligjore, për të verifikuar nëse është shkaktuar atë natë, dhe kjo është provë e fortë e Prokurorisë" u shpreh Lala.
