TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mjeku fierak Koli Proko është ndarë nga jeta në moshën 85 vjeçare. Dr.Kola siç e thërrisnin të gjithë, ka mbyllur sytë përgjithmonë në Shtetet e Bashkuara të Amerikës, ku jetonte pranë vajzave dhe nipërve të tij.
Koli Proko ka lindur më 13 shtator 1939 dhe ka ndërruar jetë dje, më 23 Tetor 2024 në shtetin e Ohio në Amerikë.
Spitali Rajonal i Fierit i dërgon një mesazh ngushëllimi familjes Proko dhe thotë se Dr.Kola ka punuar për rreth katër dekada, duke u shërbyer qytetarëve fierakë nga vitit 1966 deri në vitin 2002, si mjek gjinekolog.
"Per te gjithe koleget edhe te viteve te mevonshme dr. Kola ishte nje mik e nje shok i rralle", shkruan Spitali Rajonal Fier.
Njoftimi nga agjencia e funeralit ne SHBA
Në vitin 2015, Koli Proko u vlerësua nga Bashkia e Fierit me titullin e lartë "Qytetar Nderi", në shenjë vlerësimi plotësisht të merituar dhe si mirënjohje për katër dekadat që ai u shërbeu qytetarëve fierakë. Pacientët e tij janë me mijëra.
"Spitali Rajonal Fier bashkohet me dhimbjen e familjes Proko duke shprehur ngushellime per humbjen jo vetem te te dashurit te tyre, por edhe humbjen e nje mjeku, nje miku e nje shoku te çmuar", përmbyllet mesazhi i ngushëllimit.
Për të gjithë komunitetin shqiptar në Amerikë, familja e mjekut Koli Proko do të presë ngushëllime të premten më datë 25 Tetor nga ora 17:00 - 20:00 dhe të shtunën paradite, më datë 26 Tetor nga ora 10:00 - 12:00 në shtëpinë funerale "Berry McGreevey" me adresë 26691 Detroit Rd, Westlake, Oh 44145.
Pas homazheve të shtunën në mesditë, do të bëhet përcjellja e trupit të Dr.Kolës për në banesën e fundit në "St Joseph Cemeteri", me adresë 32789 Detroit Rd. Avon, Ohio 44011.
