TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata e Kasacionit në Itali ka anuluar tre dënimet e vendosura në Apel për tre prej të pandehurve të përfshirë në operacionin “Taxisti” të zhvilluar nga Drejtoria e Qarkut Antimafia e Leçes.
Bëhet fjalë për 34-vjeçarin Bledar Bajramaj, shqiptar por me banim në Milano dhe Feim Lamaj, 38-vjeçari tjetër shqiptar, me banim në provincën e Pistoia. Secilit prej tyre ishte i dënuar me 20 vjet burg.
Dënimi i tretë është ai i Salvatore Circelli, 30 vjeç nga Lizzano, në provincën e Tarantos, i cili ishte dënuar nëntë vjet e 4 muaj në Apel.
Hetimi kishte të bënte me trafikun e drogës, të importuar nga Holanda dhe Shqipëria, dhe rishitur në sheshet e provincave Lecce, Brindisi dhe Taranto dhe përfundoi në dhjetor 2019 me 12 arrestime.
Hetimet e kryera nga njësia e policisë ekonomike dhe financiare të Tarantos nisën nga një kontroll në periferi të vendit, gjatë të cilit u gjetën armë ushtarake.
Kanë qenë tre organizata kriminale të identifikuara nga hetuesit dhe prokurorët, të përbërë nga italianë dhe shqiptarë, që merreshin me aktivitetin e importit të drogës për t’u shpërndarë në vende të ndryshme.
