TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Tentoi të më përdhunonte”, kështu ka deklaruar para hetuesve, 21-vjeçari Teilor Tivari, i cili dyshohet si autor i vrasjes së Valbon alias Marko Beqiraj, i cili u gjet i masakruar me thikë brenda banesës në lagjen nr.12 të qytetit të Durrësit.
Ai ka rrëfyer versionin e tij të ngjarjes, duke pretenduar se me viktimën ishin miq dhe se ky i fundit e kishte ftuar në banesën e tij.
Por, theksoi Teilor Tivari viktima kishte tentuar të abuzonte seksualisht me të.
“Tentova të mbrohesha, ai ishte më i fuqishëm se unë, i shpëtova, mora thikën e bukës dhe e qëllova”, u shpreh i riu.
Gjithashtu pretendoi se u përleshën me njëri-tjetrin pasi 51-vjeçari nuk e lejonte të largohej.
Teilor Tivari ka rrëfyer se u larguar i tronditur nga vendi i ngjarjes dhe se nuk e mendonte që Valbon alias Marko Beqiraj do të vdiste.
“Me 51-vjecarin njiheshim, ishim miq. Më thirri në banesën e tij dhe shkova për të pirë një gotë birrë. Pas bisedës 51-vjeçari tentoi të në përdhunonte. Tentova të mbrohesha, ai ishte më i fuqishëm se unë, i shpëtova, mora thikën e bukës dhe e qëllova.
U përleshëm me njëri-tjetrin sepse nuk më lejonte të largohesha. Jam larguar i tronditur nga vendi i ngjarjes, nuk e mendoja se ai do të vdiste”, ka deklaruar 21-vjeçari.
