TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një atentat i mbetur në tentativë ka ndodhur mesditën e sotme tek nënkalimi i “Liqenit të thatë” në Tiranë.
Një person ende i paidentifikuar ka qëlluar me armë zjarri drejt një makine, që drejtohej nga shtetasi Lulëzim Masha, 63-vjeç, administrator i një shkolle private në Tiranë.
Fatmirësisht, si pasojë e të shtënave nuk ka pasur persona të lënduar. Menjëherë pas ngjarjes, autori është larguar.
Policia ka ngritur pika kontrolli në të gjithë zonën për identifikimin dhe kapjen e autorit.
Njoftimi i policisë:
Më datë 18.01.2022, te nënkalimi te Liqeni i Thatë, nga një person ende i paidentifikuar, dyshohet se është qëlluar me armë zjarri në drejtim të mjetit me drejtues shtetasin L. M., 63 vjeç.
Si pasojë e të shtënave, nuk ka persona të lënduar.
Shërbimet e Policisë kanë shkuar menjëherë në vendngjarje, janë ngritur pika kontrolli në të gjitha pikat hyrëse-dalëse të Tiranës me qëllim kapjen e autorit.
Ndërkohë, grupi hetimor ndodhet në vendngjarje dhe është duke sekuestruar çdo provë të mundshme materiale që do të shërbejë për identifikimin e autorit të ngjarjes.
