TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Të rinjtë e Forumit Rinor të Partisë Demokratike kanë zhvilluar një marshim me rastin e 8 dhjetorit, Ditës së Rinisë.
Pas fjalimit të mbajtur nga kreu i PD, Sali Berisha në Qytet Studenti, ata kanë marshuar drejt Kryeministrisë.
Të rinjtë u vendosën para godinës së qeverisë, ku mbajtën edhe fjalime.
Pjesë e manifestimit është edhe kreu i PD, ndërsa të rinjtë mbajnë në duar pankarta ku lexohet “Lindëm në Demokraci, jetojmë në diktaturë”.
Kryetari i PD, Sali Berisha ne fjalen e mbajtur ne Qyteti Studenti vlerësoi lëvizjen studentore si moment historik që ndau epoka, duke sjellë pluralizmin dhe themelimin e Partisë Demokratike.
Ai solli në rikujtesë edhe grevën epike të urisë, ku studentët sakrifikuan për të çliruar vendin nga diktatura dhe për të fituar lirinë. Sipas tij, ky akt trimërie dhe vendosmërie mbetet një pikë kthese e papërsëritshme në historinë shqiptare.
“Ata vërshuan në mbarë vendin dhe mbollën kudo pemën e pluralizmit, themeluan PD. Organizuan grevën epike të urisë, po në këtë qytetet në atë ndërtesë që sot e bllokon diktatura.
730 e studentevë u ngujuan për të çliruar shqiptarët nga kurthi më i keq që ata kishin përjetuar në të gjitha kohërat, kurthi i Enver Hoxhës, dhe fituan”, tha nder te tjera Sali Berisha.
Marshimi i të rinjve të PD në kuadër të 8 Dhjetorit është mbyllur para selisë së Qeverisë.
Ndërkohë që u është vënë flaka tre manekinëve që kanë qenë me fytyrën e Ramës, Veliajt dhe Manastirliut. Këta jënë edhe tre nga emrat më të përfolur për lidhjet e tyre me korrupsionin dhe krimin e organizuar në vend dhe më të sulmuarit nga opozita por jo vetëm.
Kjo godinë tha kreu i FRPD Besart Xhaferri, është simbol i tre epokave. Ne 45 – 90 kur burgoseshin të rinjtë në Shqipëri. 2005-2013 kur arritëm të udhëtojmë të lirë dhe 2013 – 2025 kur u dëbuan që të gjithë.
