TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Edhe pse Bordet e Naftës tashmë nuk ekzistojnë, çmimet e karburanteve janë rritur muajin e fundit. Për këtë ka reaguar deputetja e PD-së, Jorida Tabaku, e cila në një postim në Facebook ka sqaruar arsyet pse po e blejmë më shtrenjtë karburantin.
Një arsye kryesore sipas Tabakut është krijimi i karteleve, që sipas saj shmangin ligjet dhe vendosin çmime sipas dëshirës.
“Oligarkia e naftës ende e dominon lojën e tregut dhe ka krijuar një fushëveprim të ndërlidhur të interesave të saj. Këto kartele shmangin ligjet dhe vendosin çmimet sipas dëshirës së tyre”, shkruan Tabaku.
Një tjetër arsye – sipas saj- e rritjes së çmimit të naftës është taksimi socialist që është detyrim për qytetarët, por fitim për të tjerët.
Arsyeja e tretë sipas Jorida Tabakut është shfrytëzimi i Kursit të Këmbimit. “Edhe pse transaksionet për naftën bëhen në dollarë, çmimi rritet në monedhën lokale”, shkruan Tabaku.
Postimi i Tabakut:
Përballë një Marrëveshjeje të Pandershme të Korrupsionit! ????
Në sesionin e kaluar, Grupi Parlamentar i PD shënoi një fitore duke mbyllur Bordet e Naftës dhe duke luftuar kundër oligarkisë së naftës që ka dominuar për shumë vite. Por, a e dini pse ndiheni akoma nën hijen e çmimeve të larta të karburantit?
Arsyet kryesore të rritjes së çmimeve të karburantit:
Këto arsye janë shqetësuese dhe po e kthejnë ekonominë tonë në një kurth, duke na privuar nga konkurrenca e ndershme dhe e drejtë në treg. Vetëm disa të pasur po përfitojnë, ndërsa shumica e pëson.
Gara e tregu i lirë është zgjidhja! Konkurrenca e meritokracia, eleminimi i barrierave e rritja e numrit të kompanive, politika fiskale në shërbim të sipërmarrjes. Përqëndrimi vetëm në pak duar e ka ngushtuar hapësirën e kompanive për të vepruar.
Rikthimi i besimit te institucionet, rigjallërimi i ekonomisë dhe hapja janë zgjidhja qoftë në biznes e qoftë në politikë. Sot pak duar kanë kapur prej fyti shumicën, meritokracia nuk vlerësohet e ne duhet ta ndryshojmë këtë! Ta ndryshojmë kënetën politike dhe ekonomike për të shkuar përpara dhe ndryshuar realitetin!
