TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti Erion Braçe ka ngritur alarmin lidhur me mashtrimin financiar online përmes XUEX dhe TXEX.
Sipas tij, në grupet e brendshme në Telegram, drejtuesit e XUEX kanë bllokuar çdo tërheqje parash për anëtarët, duke konsoliduar mashtrimin financiar.
Braçe thotë se pas 48 orësh pa mundësi tërheqjeje, “Leo Smith”, personazhi i njohur si “Profesori” apo “Roboti”, ka konfirmuar në një mbledhje online se paratë nuk mund të dalin më nga llogaritë e përdoruesve. Ai thekson se skema mashtruese është e njëjtë si ajo e TXEX, e cila prej ditësh ka ndaluar çdo pagesë, sidomos për investitorët në Divjakë dhe Lezhë.
Deputeti shton se çdo fjali në komunikimet e këtyre “platformave” është provë e një piramide mashtruese dhe jo e një burse serioze, siç pretendohet. Më alarmante është zbulimi se edhe shqiptarë nga jashtë vendit kanë rënë pre e mashtrimit.
