TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një shqiptar është arrestuar nga policia italiane, teksa përpiqej të trafikonte një sasi të konsiderueshme droge.
Oficerët e Bressanone pikasën në rrugët e qendrës së qytetit një makinë të vogël, e cila ishte e regjistruar në emër të një personi të skeduar nga Bolzano.
I riu shqiptar rreth të 20-ve nuk fliste italisht dhe u tregoi oficerëve pasaportën e tij, e cila tregonte se kishte mbërritur në Itali një ditë më parë nga aeroporti i Veronës, me qëllime turistike.
Sjellja nervoze e tij dhe mungesa e durimit ngjallën dyshime të mëtejshme, duke thelluar kontrollin fizik të mjetit nga forcat e stacionit të Brennerit.
Hetimet dhanë rezultate pozitive, pasi dy patrullat gjetën nën sedilje një qese që përmbante disa pako kokaine me peshë totale 430 gramë.
Më tej, policia e Bolzano shkoi në apartamentin e të riut, në komunën e Naz-Sciaves, ku po qëndronte përkohësisht.
Aty gjetën kokainë shtesë të fshehur brenda një tenxhereje në kuzhinë, e cila më vonë rezultoi se peshonte 120 gramë. Në shtëpi u sekuestruan gjithashtu peshore precize dhe materiale paketimi.
Sasia e drogës mund t’i kishte sjellë një fitim prej afërsisht 30 mijë, të cilat, nëse do të shiteshin me pakicë, do t’i kishin lejuar atij të merrte të paktën 500 doza.
Pas gjetjeve, personi u arrestua për posedim të lëndëve narkotike me qëllim tregtimin dhe u izolua në burgun e Bolzanos.
