TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një përleshje e ashpër në një klub nate në Bolzano, Itali, ka përfunduar me dy të plagosur rëndë dhe arrestimin e katër shtetasve shqiptarë, të akuzuar për dhunë të qëllimshme, plagosje të rëndë dhe mbajtje të armëve të ftohta pa leje.
Ngjarja ndodhi natën e 1 majit pranë Qendrës së Panairit Tregtar në Bolzano. Fillimisht, konflikti nisi si një debat verbal brenda lokalit, por pas ndërhyrjes së personelit të sigurisë, dukej se situata ishte qetësuar.
Megjithatë, pak më vonë, katër të rinjtë shqiptarë i zunë pritë viktimave jashtë ambienteve të klubit dhe i sulmuan me mjete të rënda – përfshirë thika, shufra hekuri dhe zinxhirë. Dy të rinj nga Bolzano mbetën të plagosur rëndë, me një prej tyre që pësoi dëmtime të përhershme në fytyrë.
Policia italiane arriti të zbardhë ngjarjen përmes dëshmive të dëshmitarëve okularë dhe pamjeve të kamerave të sigurisë. Njëri nga autorët u arrestua në vendin e punës gjatë një operacioni të organizuar, ndërsa të katërt janë tashmë në paraburgim, në pritje të hetimeve të mëtejshme.
