TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nën masa të rrepta sigurie të arrestuarit e operacionit “Enigma” kanë dalë sot para gjykatës në Durrës për t’u njohur me masën e sigurisë.
Bëhet fjalë për Xhevdet Plakun, i njohur si “Akili”, Flobens Meçja, Voltan Xhani, Jugert Xhani, Oltion Hasani, Fatjon Qesja dhe Alfred Hasanaj.
Xhevdet Plaku, i njohur me nofkën “Akili” ishte i shpallur në kërkim ndërkombëtar pasi është arratisur nga burgu i Ankonës në janar të këtij viti.
45-vjeçari ishte dënuar në shtetin fqinj për trafik droge.
Ndërsa Flobens Meçja, alias Gega alias Drini nga Shkodra ishte shpallur në kërkim nga SPAK-u prej një viti, si pjesë e dosjes “Plumbi i Artë”. 43 -vjecari akuzohet për veprat penale “Organizata kriminale” dhe “Sigurimi i kushteve dhe i mjeteve për të kryer vrasje”.
I arrestuari tjetër, Voltan Xhani është i dyshuari kryesor për organizimin e vrasjes së Elis Rroshkodolit në Shkodër në gusht 2024. Sipas policisë, 39 vjeçari, resident në Holandë, ka siguruar armët dhe makinat që u përdorën në vrasje, ndërsa i vëllai, Jugerti e ka përkrahur në krim.
Pas mbërritjes së dy të arrestuarve të tjerë që nuk janë mbajtur në Durrës, nisi seanca ndaj Xhevdet (Kis) Plaku, Flobens Meçja, Voltan Xhani dhe katër shtetasve të tjerë.
Ndaj Alfred Hasanajt kërkohet caktimi i masës së sigurimit personal: “Detyrim paraqitjeje” dhe “Ndalim i daljes jashtë shtetit”.
Seanca nisi me vonesë për shkak të vonesës në shoqërimin e të arrestuarve.
Mbrojtja kërkoi të njihet me masat e kërkuara nga Prokuroria, ndërsa tre prej avokatëve kërkuan zhvillimin e seancës me dyer të mbyllura. Prokurorja pranoi kërkesën, duke theksuar se çështja ndodhet në kuadër të sekretit hetimor.
Gjyqtari Sokol Mara vendosi zhvillimin në vijim të seancës me dyer të mbyllura. Seanca u ndërpre për pak minuta
