TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në GJKKO po zhvillohet seanca për dosjen e Sterilizmit. Ish-ministri i Shëndetësisë, Ilir Beqaj ka kërkuar që të mos qëndrojë në kafaz gjatë seancë, kërkesë për të cilën GJKKO është tërhequr për vendim.
Ndërkohë, mbrojtja e Beqajt ka kërkuar edhe pushim të çështjes dhe pritet vendim nga GJKKO.
Nderkohe, batuta e një dite më parë të prokurorit të Posaçëm, Olsi Dado, për një "sallë me 5 yje" u risoll të martën në Gjykatën e Posaçme nga ish-ministri Ilir Beqaj.
Në procesin gjyqësor të çështjes "Sterilizimi" Beqaj pati një moment moskuptimi me avokatin e tij mbi artikulimin ose jo të një kërkese.
"Kështu është kur e ke avokatin 3 metër larg, nuk merresh vesh", tha Beqaj, duke vijuar me ironi, “sallat me 5 yje”.
Në seancë Beqaj ripërsëriti kërkesën për t'u mbajtur jashtë kafazit, kërkesë që e ka shprehur edhe më herët.
Nga ana e tij, prokurori i çështjes, tha se nuk kishte kundërshti, pasi në këtë proces Beqaj ka masën e "detyrimit për paraqitje". Por, sipas prokurorit, duhet të mbahen parasysh masën "arrest në burg", caktuar për llogari të një çështjeje tjetër.
