TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri Ferit Hoxha ka përshëndetur homazhet e Sekretarit amerikan të Shtetit, Marco Rubio, për trashëgiminë e Nënë Terezës.
Rubio zhvilloi një vizitë te Misionaret e Bamirësisë për të nderuar shenjtoren shqiptare. Sekretari amerikan i Shtetit, Marco Rubio, ka bërë homazhe për Nënë Terezën gjatë një vizite në qendrën e Misionaret e Bamirësisë.
Në një postim të publikuar në rrjetet sociale, Rubio vlerësoi figurën dhe trashëgiminë e humanistes me origjinë shqiptare, duke theksuar ndikimin e saj në shërbim të njerëzve në nevojë.
“Nënë Tereza la një trashëgimi të jashtëzakonshme dhembshurie dhe shërbimi. Pata nderin të vizitoja sot Misionaret e Bamirësisë për t’i bërë homazh trashëgimisë së saj dhe për të parë shembullin e gjallë të besimit katolik në veprim”, shkroi Marco Rubio
Mother Teresa left a tremendous legacy of compassion and service. I was honored to visit the Missionaries of Charity today to pay homage to her legacy and to see the living example of the Catholic faith in action. pic.twitter.com/HCiATKgUDc
— Secretary Marco Rubio (@SecRubio) May 23, 2026
Në falënderimin e tij, Hoxha shprehet se shpirti i Nënë Terezës vazhdon të frymëzojë miliona njerëz në mbarë botën, ndërsa përmend edhe një prej shprehjeve të saj më të njohura.
“Faleminderit, Sekretar Rubio, për nderimin e Nënë Terezës, shenjtores me origjinë shqiptare, e cila la pas një trashëgimi të jashtëzakonshme të dhembshurisë, përulësisë dhe shërbimit ndaj njerëzimit.
Jeta e jashtëzakonshme e Nënë Terezës dhe besimi i saj i thellë katolik mbeten një shembull i gjallë i përkushtimit ndaj atyre që kanë më shumë nevojë për kujdes, vëmendje dhe shpresë.
Shpirti i saj vazhdon të frymëzojë miliona njerëz në mbarë botën përmes veprave të dashurisë, sakrificës dhe solidaritetit me më të varfrit dhe më të cenueshmit midis nesh.
Siç tha me urtësi: ‘Jo të gjithë mund të bëjmë gjëra të mëdha. Por mund të bëjmë gjëra të vogla me dashuri të madhe’,” shprehet Hoxha në X.
Thank you, Secretary Rubio @SecRubio, for honoring Mother Teresa, the #Albanian-born saint who left behind an extraordinary legacy of compassion, humility, and service to humanity.
— Ferit Hoxha???????? (@HoxhaFer) May 24, 2026
Mother Teresa’s remarkable life and deep Catholic faith remain a living example of dedication to… https://t.co/XPbzE6zHV6
