TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Edi Rama ka njoftuar ndryshime në kabinetin qeveritar.
Taulant Balla nuk do të jetë më Ministër i Brendshëm dhe do të zëvendësohet nga Ervin Hoxha. Kryeministri njoftoi se Balla do të zëvendësojë Elisa Spiropalin në postin e Ministrit për Marrëdhëniet me Parlamentin.
Niko Peleshi do të largohet nga posti i Ministrit të Mbrojtjes dhe do të jetë kryetar i grupit parlamentar të PS. Në vend të Peleshit, ministër i Mbrojtjes do të jetë Pirro Vengu.
Po kështu edhe ministri i Financave nuk do të jetë më Ervin Mete, i emëruar rishtazi, por ai do të zëvendësohet nga Petrit Malaj.
Rama gjithashtu njoftoi se do t'i propozojë grupit Parlamentar emrin e Elisa Spiropalit për drejtimin e Kuvendit të Shqipërisë, pas largimit të Lindita Nikollës.
Kryeministri i njoftoi ndryshimet në fund të fjalës së tij në Kongresin e PS, duke habitur të pranishmit, të cilët nuk kishin dijeni për këto ndryshime dhe e gjetën veten papritur, të larguar apo të emëruar në poste të tjera.
