TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia peruane njoftoi se shkatërroi një bandë të trafikut të kokainës, që vepronte mes Kolumbisë, Ekuadorit dhe Shqipërisë.
Sipas autoriteteve peruane “kokat” e këtij rrjeti të trafikut ishin dy shqiptarë ndaj të cilëve është lëshuar urdhër-arresti ndërkombëtar.
Gjatë një aksioni policia sekuestroi 2.2 tonë kokainë, ku u arrestuan 7 persona. Droga ishte fshehur në kutitë e aspargut, raportojnë mediat.
Policia tha se droga do të dërgohej nga porti i Callao pranë kryeqytetit peruan Lima, në Roterdam të Holandës.
Sipas autoriteteve peruane, dy shqiptarët ishin autorët e trafikut të kokainës, ndërsa bëhet fjalë për një rrjet me lidhje me Kolumbinë, Ekuadorin dhe Shqipërinë. Kjo organizatë kriminale planifikonte të paguante kokainën me monedha virtuale, Bitcoin.
