TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Megjithëse fund gushti, pushimet për deputetët dhe anëtarët e Kryesisë dhe Këshillit Kombëtar të Partisë Demokratike nuk kanë mbaruar. Një mesazh që ka mbërritur në aparatet celularë të anëtarëve te Kryesisë dhe deputetëve nga Sekretari i Përgjithshëm, Flamur Noka, i cili u kujton se ka ardhur koha të harrojnë pushimet dhe t’i rikthehen aksionit.
Numri dy i selisë blu vendos edhe një kuotë pjesëmarrjeje në protestat që do të mbahen para Bashkisë apo edhe poshtë ballkonit të liderit demokrat, duke nënvizuar se protestat nuk janë detyrë vetëm e simpatizantëve dhe anëtarëve te thjeshtë, por fillimisht e organeve drejtuese të partisë.
“Të dashur miq. Uroj që të keni kaluar mirë pushimet. Stina e vjeshtës për PD dhe opozitën do të kthehet në një stinë protestash dhe revolte, mosbindje civile ndaj narko-regjimit me qëllim krijimin e qeverisë teknike si të vetmen rrugë për ti dhënë vendit zgjedhje të lira Ky angazhim kërkon më se paku pjesëmarrjen e çdo anëtari/e të kryesisë, të grupit parlamentar, këshillit kombëtar dhe pastaj edhe të strukturave të tjera të varësisë deri tek anëtarët dhe mbështetësit tanë në këtë aksion. Duhet të rifillojmë me angazhimin në protestat tek Bashkia dhe “Rruga e Shpresës”. Protestat nuk janë detyrë vetëm e anëtarëve dhe simpatizantëve tanë. Jemi Kryesi e PD dhe duhet të jemi në ballë të çdo aksioni, proteste, përballje dhe revoltë. Faleminderit”, shkruan Noka në mesazhin e tij.
