TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Lihen në "Arrest me burg" 3 shtetasit Artur Rakip, Thanas Sholla dhe Besnik Dine që akuzohen për falsifikim dokumentesh.
Këta shtetas u arrestuan pas një hetimi 5-mujor, operacion ky që shërben për goditjen e falsifikimit të dokumenteve me qëllim parandalimin e migrimit të paligjshëm drejt Britanisë së Madhe, SHBA-së, Kanadasë dhe në hapësirën SCHENGEN.
Këta shtetas prodhonin dhe pajisnin me dokumente të falsifikuara udhëtimi, identifikimi, diplomimi, leje drejtimi dhe qëndrimi, shtetas shqiptarë dhe të huaj për të udhëtuar nëpër botë kundrejt pagesës 300-10000 euro.
Ndërsa nga policia u sekuestruan një laborator që shërbente për prodhimin e dokumenteve të falsifikuara, qindra dokumente të falsifikuara, fotokopje dokumentesh të huaja dhe shqiptare, të dyshuara të falsifikuara, pajisje kompjuterike, makineri prodhimi dhe plastifikimi, vula, simbole, emblema të shteteve të huaja, automjete, shuma parash të siguruara nga ky aktivitet.
Megaoperacioni vijon edhe për persona të tjerë të përfshirë.
