TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kur u duk se Rusia u tërhoq nga sulmi ndaj Ukrainës, duket se situata nuk është drejt përmirësimit.
Sipas Presidentit të SHBA-ve, Joe Biden, një sulm i Rusisë ndaj Ukrainës "mbetet mjaft i mundshën" dhe kostoja njerëzore e këtij sulmi, do të ishte "e jashtëzakonshme".
Presidenti Biden shtoi se SHBA-të do të përgjigjeshin me vendosmëri, në rast se një gjë e tillë ndodh.
Rusia ka vendosur mbi 100 mijë trupa në kufirin me Ukrainën, duke rritur tensionet dhe frikën për një pushtim të mundshëm.
Ministri rus i Mbrojtjes, deklaroi se disa trupa janë tërhequr, por sipas SHBA-ve, një gjë e tillë nuk është verifikuar.
"Ministri rus i Mbrojtjes ka raportuar sot se disa njësi ushtarake janë duke u larguar nga pozicionet e tyre pranë Ukrainës. Kjo do të ishte një gjë e mirë, por ne ende nuk e kemi verifikuar një gjë të tillë. Përkundrazi, analistët tanë vlerësojnë se ata mbeten ende në një pozicion kërcënues ", tha Biden.
