TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Partia Demokratike do të angazhojë strukturat e saj për reformën admonistrativo-territoriale. Me anë të një udhëzimi nga ana e Sekretarit të Përgjithshëm, Flamur Noka, përcaktohet plani konkret për të gjitha degët lokale të PD-së, ku kërkohet edhe përfshirja e qytetarëve dhe ekspertëve në hartimin e një ndarjeje të re territoriale.
Sipas udhëzimit të Nokës, strukturat e partisë do të organizojnë dëgjesa me komunitetet vendore, ndërsa brenda datës 15 prill duhet të zhvillohen mbledhjet e kryesive në çdo degë për të diskutuar variantet e mundshme të reformës.
Po ashtu kërkohet edhe përfshirja e individëve nga radhët e PD që kanë mbajtur pozicione në institucionet vendore ndër vite. Të gjitha të dhënat e mbledhura do të duhet të dorëzohen brenda datës 20 Prill, ku më pas do të mblidhet Kryesia e PD për të mbajtur dhe qëndrimin politik se çfarë harte të re territoriale do të propozojnë.
