TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Preç Zogaj, i ftuar në emisionin “Të Paekspozuarit” në MCN TV u shpreh se synimi i shpallur i bombardimit të Iranit ishte që ndalonte prodhimin e bombës bërthamore dhe në këtë qëndrim SHBA kanë edhe mbështetjen e vendeve të Evropës. Por sipas Zogajt, ndryshim regjimi me bombardime nuk ndodh.
“Irani ka shumë vite që merret me pasurimin e uraniumit dhe ky është konflikti mes Iranit dhe vendeve perëndimore. Informacionet kanë qenë kontradiktore, por drejtori i Agjencisë Bërthamore ka bërë një njoftim ku tha se janë tre vite larg prodhimit të bombës bërthamore, edhe pse vazhdojnë të pasurojnë uraniumin.
Irani është shtet i mbyllur dhe shumë misione investigative nuk kanë patur mundësi të mësojnë se si është e vërtetë. Por Irani e ka prodhimin e bombës bërthamore synim të vetin.
Synimi i shpallur i bombardimi ishte që të ndalonte prodhimin e bombës bërthamore nga Irani. Në këtë qëndrim SHBA kanë edhe mbështetjen e vendeve të Evropës sepse edhe ato e kërkojnë që të mos ketë bombën, ngaqë është sponsor i terrorizmit.
Irani ka në doktrinë zhdukjen e Izraelit. Deri këtu SHBA-të kanë patur një qëllim, por ata deri këtu e kanë patur, kanë pritur çdo të bëjë Irani. Ndryshim regjimi me bombardime nuk ndodh”- tha Zogaj.
