TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
I veshur me kostum të zi dhe me kollare, ish-deputeti socialist Alqi Bllako doli sot për herë të dytë në gjykatë për të kundërshtuar akuzën që rëndon ndaj tij.
Bllako u pa pas xhamit, teksa qëndronte duke parë me vëmendje disa dokumente që mbante në duar.
Kujtojmë se Bllako akuzohet për “Shpërdorimit të detyrës” në dosjen e inceneratorit të Elbasanit. Ai akuzohet se ka përfituar afro 14 milion e 600 mijë lekë pasi ka falsifikuar dokumente për të shpronësuar një tokë për ta kthyer nga një tokë arë në truall në bashkëpunim me ish-ministrin e Mjedisit Lefter Koka e kryetarin e shpronësimeve, Pëllumb Abeshi.
Nga ana tjetër, ish-ministri Lefter Koka, i akuzuar për korrupsion, pastrim parash dhe shpërdorim detyre, nuk u paraqit para treshes gjykuese.
