TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Prej më shumë se 10 orësh landfilli i Elbasanit pranë inceneratorit është përfshirë nga flakët.
Zjarri i cili shpërtheu pasditen e djeshme rreth orës 16:30 dhe ende pas punës së zjarrfikësve për ta shuar vatra vijon ende të jetë aktive në thellësinë e masës së mbetjeve, ndërsa shtëllunga të mëdha tymi toksik vijojnë të dalin mbi qytet.
Për të përballuar situatën kritike, Arben Cara, drejtori i Shërbimit Zjarrfikës, tha një natë më parë se u angazhuan 12 automjete zjarrfikëse, 60 forca operacionale dhe 2 automjete nga Forcat e Armatosura.
Kjo është hera e dytë që landfilli i Elbasanit përfshihet nga flakët këtë verë. Ndërkohë, po gjatë ditës së djeshme në Elbasan pati edhe një tjetër vatër zjarri, ku disa ullishte u përfshinë nga flakët. Për të neutralizuar flakët u desh ndërhyrja me helikopter.
Për të përballuar situatën kritike, u angazhuan 15 mjete zjarrfikëse dhe mbi 100 efektivë nga të gjitha bashkitë e qarkut Elbasan, si dhe forca ndihmëse nga Kamza, Tirana dhe Berati.
Sipas Drejtorit të Përgjithshëm të Zjarrfikëses, Arben Cara, ndërhyrja në landfill është një nga sfidat më të mëdha, për shkak të përmasave të mbetjeve, lëndëve të djegshme dhe temperaturave të larta në thellësi.
“Është ende herët për të folur për shkaqet konkrete” tha mbrëmë Cara. “Zjarret në landfill janë ndër më të vështirat për t’u menaxhuar. Kërkojmë zbatim të ligjit dhe ndëshkim të çdo akti zjarrvënieje të qëllimshme,” deklaroi Cara.
