TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Luan Baçi, duke komentuar takimin e deputetëve të opozitës një ditë më parë, me qëllim unifikimin e aksionit opozitar, tha se ai ishte i domosdoshëm dhe se ky takim i shërben opozitarizmit.
Deputeti demokrat i Rithemelimit tha se Gazment Bardhi do të jetë kryetar i grupit parlamentar ku kryetar i partisë është Sali Berisha, duke ju referuar PD-së. Baçi tha se ato do të zhvillojnë takime të përjavshme.
"Personalisht jam takuar me të gjithë deputetët që janë aty, përjashto Bashën dhe Alibeajn. Të gjithë kemi pasur takime pavarësisht qendrimeve.
A ishte mirë një bashkim i deputetëve të dalë nga lista e PD-së? A kemi qenë në ata që kemi kërkuar herë pas here, pse nuk jemi bashkë si opozitë?!
Këto kanë qenë pyetjet që kemi ngritur. Ne duhet të shikojmë anën pozitive. Për mua ishte një takim i shumëpritur, i domosdoshëm dhe i vonuar, që i shërben jo thjeshtë disa deputetëve, po opozitarizmit në tërësi, këtij vendi që po vuan në një regjim të korruptuar.
Dje ishte një hap i mirë bashkimi, pse jo duke hedhur pas shpine edhe disa debate. Nuk ishte për të zeruar problematikat, por për të realizuar atë kërkesë që opozita duhet të bashkohet. S'ka nevojë për ftesa.
Kam kërkuar që javën tjetër të vihet një njoftim me iniciativën e Bardhit për të gjithë deputetët. Bardhi është shprehur, gjithë deputetët pa asnjë përjashtim. Unë e kam pas publike ftesën.
Gaz Bardhi do të jetë kryetar i grupit parlamentar, ku kryetar është Sali Berisha. Do të ketë takime të përjavshme, këtë javë do të caktohet dita ora dhe vendi i grupimit të deputetëve dhe aleatëve. S’kemi një rend akoma"- tha Baçi në Report Tv.
