TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Së fundmi Instituti i Statistikave ka publikuar të dhënat për numrin e lejeve të ndërtimit për tremujorin e tretë të vitit 2023, të cilat tregojnë se numri i lejeve të miratuara është rritur me 34.2%, krahasimisht me të njëjtën periudhë të një viti më parë, dhe në numër janë 361.
Sipërfaqja e lejeve të ndërtimit miratuar për ndërtesa të reja, në tremujorin e këtij viti, është 455.181 m2, nga 418.685 m2 miratuar në tremujorin e tretë të vitit të kaluar, duke shënuar një rritje prej 8.7%. Numri i lejeve dominohet nga ndërtimet rezidenciale, kryesisht nga ndërtesa me një kat ose me dy kate. Nga të dhënat, shohim se nga 361 leje gjithsej në tremujorin e tretë të vitit aktual, 289 janë dhënë për ndërtime rezidente dhe 72 janë dhënë për ndërtesa jo rezidente. Mes lejeve për ndërtesa jo rezidente, numrin më të madh e regjistrojnë kategoria “ndërtesa industriale” me 24 të tilla.
INSTAT, përmes publikimit, raporton se qarku me numrin më të madh të lejeve për tremujorin e tretë të vitit 2023 është Durrësi me 125 leje, ndjekur nga qarku i Tiranës ku janë lëshuar 100 leje ndërtimi.
Ndërkohë, në Korçë janë lëshuar 43 leje nga 42 të lëshuara përgjatë 3-mujorit paraardhës. Këto tre qarqe përfaqësojnë 74% të totalit të lejeve të ndërtimit të dhëna në tremujorin e tretë të këtij viti. Shifrat tregojnë se vetëm tre qarqe rezultojnë me rritje të lejeve të lëshuara. Rritja më e lartë është shënuar në qarkun e Beratit me 180%, qarku i Kukësit ka pasur rritje me 33% dhe ai i Korçës me vetëm 2%. Ndërkohë. rënie të lejeve të ndërtimit kanë pësuar të gjitha qarqet e tjera ku dallojmë Vlorën me 78 rënie, Gjirokastrën me 50% rënie dhe pjesa tjetër e qarqeve me një rënie nën 50%.
