TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 41-vjeçar është arrestuar në Vlorë, pasi ishte në kërkim për shitje droge dhe po tentonte që të arratisej nga Shqipëria për t’i shpëtuar prangave.
Policia e Vlorës njoftoi sot (2 tetor) se i ndaluari është 41-vjeçari me inicialet R. B., banues në Lukovë, ndaj të cilit rëndon akuza “kultivimi i bimëve narkotike” dhe “prodhimi dhe shitja e narkotikëve”.
Sipas dosjes hetimore, i riu u shpall në kërkim pasi në territorin e Bashkisë Himarë, në një zonë malore, u gjetën 302 bimë kanabisi të kultivuara dhe 121 kg hashash në proces tharjeje. Ai i kishte shpëtuar operacionit disa ditë më parë nga policia.
Kapja e tij u bë në zonën e Gjirokastrës, teksa po tentonte të kalonte kufirin nga Dropulli. Përveç tij, në kërkim është shpallur edhe një person tjetër, bashkëpunëtor.
Njoftimi zyrtar i Policisë së Vlorës:
“Tentoi të kalonte ilegalisht kufirin, ndërkohë që ishte i shpallur në kërkim në kuadër të planit operacional “Koordinata”, të finalizuar disa ditë më parë në Himarë, kapet dhe vihet në pranga 41-vjeçari.
Shërbimet e DVP Vlorë, në bashkëpunim me shërbimet e DVP Gjirokastër, si rezultat i shkëmbimit të informacionit dhe kontrolleve të shtuara në kufi, me qëllim ndalimin e shtetasve të shpallur në kërkim që tentojnë të kalojnë ilegalisht kufirin për t’iu shmangur përgjegjësisë penale, kanë kapur në fshatin Kosovicë, Dropull, shtetasin:
Ky shtetas, në bashkëpunim me shtetasin A. N., për të cilin vijon puna për kapjen e tij, janë shpallur në kërkim në kuadër të planit operacional “Koordinata”, si autorë të dyshuar për veprat penale “Kultivimi i bimëve narkotike” dhe “Prodhimi dhe shitja e narkotikëve”, pasi në territorin e bashkisë Himarë, në një zonë malore, u gjetën 302 bimë kanabisi të kultivuara dhe 121 kg bimë kanabisi në proces tharjeje.
Materialet iu referuan Prokurorisë, për veprime të mëtejshme”.
