TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 47-vjeçar shqiptar është arrestuar për herë të dytë nga policia italiane, pasi akuzohet se ndërsa theu urdhrin e gjykatës, i shkoi të banesa ish-gruas së tij dhe 2 fëmijëve, duke i kërcënuar.
Ngjarja ka ndodhur në Peuxhia, kur denoncimi erdhi nga një telefonatë në sallën operative të emergjencave, që njoftonte se i dyshuari nuk kishte respektuar urdhrin për distancën.
Konkretisht, 47-vjeçari, pasi shkoi në shtëpinë e ish-gruas së tij, filloi të binte me këmbëngulje në interfonin e godinës, duke e kërcënuar se do ta thyente derën e përparme nëse ajo nuk do ta hapte.
Viktima, e frikësuar, kërkoi ndihmë nga Policia e Shtetit. Oficerët, të cilët mbërritën menjëherë në vendngjarje, zbuluan se autori ishte ende nën shtëpi.
Pasi iu afruan, e identifikuan dhe e kontrolluan, gjë që zbuloi se 47-vjeçari ishte subjekt i një urdhri paraprak, për ndalimin e kontaktit me palët e dëmtuara, konkretisht ish-gruan dhe dy fëmijët e tij, të lëshuar më 9 shtator nga gjyqtari hetues, informon media italiane.
Pas prangosjes ai u izolua në qelitë e paraburgimit dhe gjykata konfirmoi masën e arrestit me burg ndaj shqiptarit. 47-vjeçari u dërgua më pas në burgun e Perugia Capanne.
