TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
GJKKO ka dhënë masat e sigurisë për 12 persona e arrestuar të akuzuar për kontrabandë dhe pastrim parash, mes tyre edhe ish-shoferi i ish-drejtorit të Policisë së Shtetit Ardi Veliu me familjarët e tij. Ky grup akuzohet nga SPAK për kontrabandë dhe pastrim parash, ndërkohë që në pranga kanë përfunduar edhe 7 oficerë policie, dy prej të cilëve efektivë të policisë së Kufirit në Durrës.
Operacioni nisi që në orët e para të mëngjesit të së mërkurës dhe u zhvillua njëherazi në disa qytete, Tiranë, Durrës Lezhë Shkodër e Dibër. Hetimet për këtë grup kriminal nisën pas një letër-porosie të ardhur nga autoritetet franceze të cilat kishin dyshime të forta se mallra me vlerë, si rroba luksi, bizhuteri me vlerë, kontrabandoheshin drejt vendit tonë.
Pas më shumë se një viti hetimesh dhe kontrolleve të ushtruara në ambiente e banesa të ndryshme, SPAK ngriti disa akuza për të dyshuarit si pjesë e kësaj veprimtarie. Ndaj tyre rëndojnë dyshimet për pastrim parash; “Ushtrimi pa licencë i veprimtarisë bankare”, Kontrabanda me mallra të tjerë; “Mosdeklarimi në kufi i të hollave dhe i sendeve me vlerë”; krime të kryera në formën e veçantë të bashkëpunimit, atë të grupit të strukturuar kriminal si dhe “Grup i strukturuar kriminal”.
Emrat
Agustin Mesuli, arrest me burg;
Altin Dode, arrest me burg;
Florion Baku, arrest me burg;
Sokol Idrizaj, arrest me burg; ish-shoferi i Ardi Veliut
Bora Idrizaj, arrest shtëpie, vajza e Sokol Idrizaj
Dejvi Skenderaj, detyrim paraqitje;
Vangjush Kashara, arrest me burg;
Tomorr Baruti, arrest me burg;
Elda Idrizaj, arrest me burg, bashkëshortja e Sokol Idrizajt;
Egi Idrizaj, detyrim paraqitje; vajza tjetër e Sokol Idrizaj;
Gentian Aga, arrest me burg;
Alid Shehi, arrest me burg
