TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Markata e Peshkut në Vlorë është përuruar dy herë në dy vitet e fundit, duke shënuar kulmin e propagandës qeveritare me investime që nuk kanë ndonjë ndikim në ekonominë vendase.
Me anë të një statusi në rrjetin e tij social Facebook, Vojo Bregu, ish-zyrtar i Ministrisë së Bujqësisë ju ka rikujtuar shqiptarëve se si Ministria e Bujqësisë lajmëronte se Markata e peshkut në Vlorë është gati për të nisur punën, ndonëse kanë kaluar dy vite nga lajmërimi i fundit se kjo markate ishte gati.
“Markata e peshkut në Vlorë prej 1300 m2 me 14 dhoma frigoriferike, është gati për të filluar punën, pra nuk ka filluar ende.
Ndryshimi i vetëm është që para 2 vjetësh e lajmëronte ministrja Krifca, kurse pas 2 vjetësh e lajmëron ministrja Denaj”, sqaron Bregu.
2 postime, njëri para 2 vjetësh, tjetri sot që tregojnë të njëjtën gjë.
Markata e peshkut në Vlorë prej 1300 m2 me 14 dhoma frigoriferike, është gati për të filluar punën, pra nuk ka filluar ende.
Ndryshimi i vetëm është që para 2 vjetësh e lajmëronte ministrja Krifca, kurse pas 2 vjetësh e lajmëron ministrja Denaj.
P.S. i vetmi ndryshim është që zv. Ministri përgjegjës për peshkimin nuk është tek postimi i dytë, dhe unë dyshoj shumë që ai e ka gënjyer patrioten time këtë rradhë.
