AKTUALITET, 22 Qershor 2024, 17:25

2-vjeçari përfundoi në gjendje të rëndë në spital pasi piu gabimisht ilaçe, policia jep detajet

2-vjeçari përfundoi në gjendje të rëndë në

Një ngjarje e rëndë është regjistruar paraditen e së shtunës në Sarandë. Sipas informacioneve një fëmijë i mitur, 2-vjeç ishte paraqitur pranë spitalit Rajonal të Sarandës në gjendje të rëndë shëndetësore.

Menjëherë pasi iu dha ndihma e parë, u transportua drejt Tiranës për mjekim më të specializuar, teksa Policia ka bërë publike një komunikatë. Blutë e Sarandës bëjnë me dije se 2-vjeçari ka konsumuar aksidentalisht një sasi ilaçesh në banesën e tij. Teksa është transportuar drejtë Tiranës, lidhur me ngjarjen është ngritur një grup i posaçëm hetimor i cili po punon për të zbardhur detajet e plota.

Njoftimi i policisë:

Sot, në spitalin e Sarandës ka shkuar për ndihmë mjekësore një fëmijë i mitur 2 vjeç, pasi dyshohet se ka konsumuar aksidentalisht një sasi medikamentesh mjekësore, në banesën e tij.

2-vjeçari është transportuar në Tiranë për ndihmë mjekësore të specializuar. Grupi hetimor po kryen veprimet e mëtejshme në lidhje me sqarimin e rrethanave të ngjarjes.